lima, huacachina, Paracas en Arequipa

As we Smurges weer wakker waere zeen we truuk in Lima. We hubbe een fijne nachtbus ghad en eigenlijk de ganse rit door geslapen. We pakke eine taxi nao os hostel wat Guus al veur os haaj gereserveerd. As we dao aankomen is het ongevier 6oor smurges en we kriege te heure det Guus net een half oor op bed liktj. Jammer joh! Opstaon zal der. We loupe de kamer op en algauw is guus  wakker en klaor om weer de stad in te trekken. We gaon get aete en pakke den de bus nao het aoje stadscentrum van Lima. Dao een rondleiding inne kerk en get sightseeing en den truuk nao miraflores. Tied veur beer. We zeuke os een kroeg en Besloete det we get gaon toepe. Nao ene tied is dit nimmer zoea spannendj en we wulle eigenlijk gaon dobbelen. Nao de halve stad te hubbe doorgereisd hubbe we een klein eurke later dobbelstein en kan t fieest beginne. As we allemaol good in de aolie zitten nog effe aete biej de Mac(dit is os standaard maaltijd in Lima). Guus houwtj ongertussen aaf hae is toch Waal meug. Wae gaon nog effe wiejer en nao een tiedje mot ich het auch opgaeve. Mats en bart weite van gein ophaoje en gaon nog effe Door. As ch om 9oor Smurges wakker waer kome ze net truuk in het hostel en ze zeen dr beide zeer good aan. Det zullen ze weiten want de komende twee daag liggen ze krank in bed. Guus en ich gaon nog ene kieer op stap met z'n 2e en den hubbe we t wal weer gezeen hiej in Lima en Besloete we wiejer te gaon nao Huacachina.

Via Ica komen we aan in Huacachina een veul belovende oase midde inne woestijn. As we euver de letste zandjduin komen en huacachina zeen liggen gans tusse de duinen een greune oase dinke we dit is het hiej is het relaxe. Mer as we een hostel zeuke bliektj algauw det t toch neet allemaol zoea leuk en aardig is. De miense hiej zeen alles behalve vruntjelik en de oase zelf is auch een bietje vergane glorie. Agja we zullen zeen. S'aoves ene bbq biej het hostel  (die hubbe os Ff sjoean afgezatte, Mergood det gebeurt constant waal) we hubbe ongertussen get angere lieere kinne en die vraoge Den auch of we metgaon de duinen in. We Besloete nao te gaon. As we ze eindelijk gevonje hubbe nao een half oor Door de woestijn gepatert te hubbe. Bliektj det ze een gitaar biej zich hubbe mer der niks met kinne. Tied veur mats om zien skills te showen. As mats door haet wie de reisgitaar precies werktj waertj t Den auch ene sjoeane aovendj Onger de sterrenhemel in het zandj baove de oase.

Daags derop gaon we ene buggy en sandbaord toer regelen. Met ene buggy gaon we de woestijn in om vervolgens van een paar sjoean hoeage duinen aaf te boarden. Biej de eerste afdaling is al geliek duudelik dit vultj vies taege en haet verder auch helemaol niks met snowboarde te make. Mats duit effe veur wie t zeker neet mot en haptj geliek een partiej zandj op woea se thoes ene alikke palmboum in kins kweeke. Net noe ich haaj ich beslaote om de ieerste kieer neet te filmen met miene actioncam, det zulse altied zeen hè. Nao get buggye en get mieer boarden ist tied om truuk te keren het geit ongertussen een stuk baeter mer t is absoluut neet wat we der van gedacht haaje. Agja mos alles en kieer geprobeerd hubbe. S'aoves nog get aete en den optied nao bed want we blieve hiej egt neet langer. Het volk hiej is echt te toeristisch ingesteld ze zeen asociaal en het enige wat ze een wulle is dich een oear aanneije zoea bliektj auch Smurges weer as we de kamer gaon betalen. Oeps haaj der toch prongeluk eine kieer teveul x2 ingetoetst.....uhuh tuurlijk vriend.  Gauw weg hiej.

In Ica op het busstation sjeide os waege zich mats en ich gaon nao Paracas veur ene boeattrip nao een deil eilandjes woea we pinguïns en zieelieeuwe kinne kieke en bart en guus gaon nao Nasca veur de nascalines. Noe is dees sjeiing mer veur effe want wae reizen later oppe middag auch nao Nasca om Den samen nao arequipa Door te reizen.

De boeat in Paracas is wal leuk ein van de Nasca liene gezeen en den nao de eilanden (laes rotsformaties). We zeen get pinguïns ene bultj zieelieeuwe en veural veul veugel. Op een begaeve moment dinkse det ze nao een grieze rots kieks Asse inins besefs dat die rots gael is wie de rest mer kotsvol met veugel zit. Al met al een leuk tripje.  As we dao van truuk zeen snel truuk nao de bus en op nao Nasca. In Nasca treffen we guus en bart weer die ongertussen de bus nao arequipa al hubbe geregeld we aete effe get en Door nao arequipa.

Smurges waere we wakker u  arequipa en dit is echt een leuk stedje. Vruntjelik, relax, oetzicht op ein paar prachtige bergen en de misti vulcan. S'murges Besloete we om geliek nao het ontbijt te gaon kieke of we kinne gaon rafte det luktj vrie aardig en om 11 oor zitten we in eine auto richting de rivier. Het raften is wal lachen mer de rivier is neet echt wildj liktj aan het seizoen zegge ze Agja het waas leuk en det hubbe we auch weer metgemaaktj. We hubbe een hostel genaamd the wild rover en t duit zien naam ieer aan de eerste aovendj is het al pries de bar aafgelaaje vol en partiej. Ongertusse proberen we os beerpong eigen te make mer det is toch moeilijker as t liektj. Later gaon we nog effe de stad in en kome terecht in een kroeg woea een latinrock band steit te spelen. Nao eine hoeap lol met de locals en eine pitcher teveul truuk nao het hostel en kepot. Murge gaon we proberen de colca canyon trekking te regelen veur zaterdag en zunjig te doon.

Smurges danig slecht deraan allemaol en neemes haet Den auch zin om in de stad get te gaon regelen. Mer opt hostel zitj auch een menke Dae die tours organiseertj wal get deurder Mergood we hoove neet de stad in en kinne Geweun lui blieve liggen woea we liggen hieelemaol prima.

Snachts om 3 oor waere we opgehaoldj in het hostel Door ozze gids Dae nog sjaeler kiektj as sjael. we hubbe get met miense die get aan de uig hubbe. Mergood hae liektj Waal lachen dus laat gaon om half 4 hubbe we de bus vol zitten en begintj de 3,5 oor durende rit nao de colca canyon( de op ein nao deepste ter waereld) Nog ene stop veur te ontbijten en eine om condors te spotten. De condor is ene heilige vogel in Peru en dit is ein van de weinige plaatsen woea der veur kumptj. We zeen ze een paar kieer vleege mer van vrie wiet weg Agja we hubbe ze gezeen. Truuk de bus in en weer een oor zitten. Ongertusse lieere we os reisgezelschap een bietje kinne. Wae zeen met os Veere Den hubbe we nog 2 Franse vrouwluuj ene Amerikaan en een Italiaans stel. Allemaol Waal lachen volk liektj os. We komen aan biej de canyon en de tocht begintj het eerste stuk omlieeg gans toet aan de baek zal ong. 3 oor wanjele zeen volges de gids. Wae beginne te patere en anger half oor later staeke we samen met die Franse vrouwluuj os veut in het kaoje baek water we kinne effe relaxe terwijl we op de rest wachten. Een oor later zeen we weer compleet en loupe samen wiejer richting lunch dit is weer een stuk omhoeag en we vorderen Den auch langzaam mer zeker. Veur de lunch kriege we inca soep ( een saort sunjese soep) en Riest met alpaca. Nog een half eurke uitbuiken en weer verder. Nog een stuk omhoeag en den zeen we Onger in het dal os eindpuntj ligge. Een oase gans Onger in het dal naeve de baek. Van baove oet zeen de zwembaden die inne heite zon liggen te glinsteren en de gedachten aan een  fles beer zoea verleidelijk det we met een moord tempo weer Onger zeen en den auch een heerlijke duik nemen terwijl ze os het beer komen bringe. Geniete! Ongertusse lieere we de 2 Franse vrouwluuj baeter kinne en der waertj danig gelachen en gedaon en nao t aovendjaete waertj het Den auch eigenlijk weer te laat veur we op bed liggen. Smurges om 4 oor geit de wekker weer. We motte ene danige Klum make en det wulle we doon veur de zon op kumptj ivm de hets. Om half vief beginne we den auch te sjravele en precies 2 oor later kome we op de top aan ( 7 kilometer en 1100maeter heugdje versjil) as we baove in het ochtend zunke liggen oet te puffen met z'n allen kumptj der inins ene condor euver vleege. Prachtig bieest sjoean dunbiej mer uiteraard haet op zo'n moment neemes de camera bereikbaar. Agja we hubbe m gezeen dao geit t om. nog een stukske door loupe veur t ontbijt en den weer de bus in nao get fotopuntje Hiej gaon we op zien Japans doorhaen. Klik klik klik klik juuw we kinne weer. T is Waal sjoean mer we haaje t al gezeen en we hubbe een bezoekje aan de terminaal (he bart) baden opt programma staon en det is toch Waal verleidelijk. Met z'n alle relaxt oet ruste in het heerlijk werme water en den weer de bus in Nog 2 foto stops biej get vulkanen. En Den rond 4 oor truuk in arequipa. We neudige de Franse vrouwluuj nog oet veur get te drinken biej os int hostel en det doon ze gaer. As we aankome biej het hostel geit net de bar aope en bliektj det dr karaoke aovendj is. Need less to say....het waertj weer ene lange gezellige aovendj met get veul biertjes. Taege de tied det de vrouwluuj vertrekken zeen we den auch allemaol sjoean gaar en vallen wie ene blok om.
Daags derop weer sjoean meug en gaar ontbijtje biej de KFC toetje biej de Mac en lunch biej de BK os dieet zoget hiej mer Waal lekker asse ene kater hubs. Nog effe nao t busstation de nachtbus regelen veur vanacht. We reizen vanacht nao Cuzco. Dao gaon we een paar daag acclimatiseren en den een 4 daagse trekking richting Machu Pitsu loupe. saoves nog snel effe een paar foto's van Arequipa maken. We een prachtig stedje is het toch. En Den haoste om op tied biej de bus te komen. Dalik de stool plat en slaope, murge ene noe we daag een noew bestumming en weer noewe verhaole mer die kome later.

Saludos en toet de volgendje Luuk