soms zitj t met, en soms zitj alles taege

De letste kieer hubbe we uch achtergelaote in Antofagasta woea we van plan waare nao de dakar te gaon kieke. Dit is echter väöl mekkelikker gezag as gedaon zoea bleek later. We haaje een klein rustig mer erg good hostel en veural de eigenieer waas hieel relax. Wie we hem vrooge wat de meugelijkheden waare veur de dakar begos der geliek vrunj te belle die dao werkte en alles veur os oet te zeuke. Allein hieelemaol neemes kosten os vertillen woea det ze noe eigenlijk zooje rieje. Oeteindelijk zeen we nao t bivak gegaon en hubbe dao Waal een deil motoren en auto's zeen aankome. Dao aan de organisatie gevraogdj veur de daag dernao mer auch die koste os niks vertellen... balen!! Later bleek det der get problemen waren tussen de organisatie en de regering en det t daorom allemaol neet gans werkte Agja volgende keer beter. Nao een paar daag vanne stad genaote te hubbe waas t tied om door te gaon nao Santiago. 20 oor inne bus Mergood t groeatste deil Snachts dus veural geslaope.

Santiago een mega groeate stad en auch een sjoean stad. Väöl aoje gebouwen, hieel relax, leuke wiekskes met straot artiesten e.d.. Hiej hubbe we een paar daag rondjgehange en veural s'aoves de stad in natuurlijk. De zaoterdig en de zunjig alle aangeraoje plekken aafgegaon mer nurges waas echt get loos. Kinne wae det noe neet vinje of is dit het? Wat os opvultj is det euveral inne kroegen inne clubs euveral zitj eederein aan een teufelke get te drinken. Nurges is echt fieest, zal Waal aan os ligge. Op dinsdig reize we wiejer dus op maondig gaon we effe get water inslaon en ach kom we drinken der eine. Drie kieer raoje wie det aafleep net Dae aovendj lieerse een deil miense kinne, waertj t gezellig en laat. Smurges optied weer wakker en inne bus richting valparaiso.

Nao een paar eurkes reize kome we aan in  valparaiso een klein stedje mer absoluut ein van de sjoeanste tot noe toe. Allemaol gekleurde huuske euveral graffiti (sjoeane graffiti neet van Dae sjaemele) op eedere straot hook muzikanten allein dan wel in gruupkes kortom geniete. De ieerste aovendj verkennen we de stad een bietje en den optied slaope want ich hub eindelijk een duiklocatie gevonje en we gaon smurges vreug weg zoeadet ich een paar duiken kan make. Daags derop vreug oet de vaere inne taxi en op nao quintay. Quintay is een hieel erg klein durpke en t enige wat ze hiej hubbe zeen vessers en een duiksjoeal.  As we aankome waertj het duikgrei gepast en in orde gemaaktj en den tied veur de eerste duik. De eerste duik is een wrakduik en erg sjoean veul vesse een paar krabbe en get nudi's ( een saort slekke) al bie al ein heerlijke plons. Truuk nao de kantj effe get aete en den wachte op de tweede duik. Ongertusse haet mats geregeld det der met eine angere groep met kan om te snorkelen. Den is het tied veur de tweede duik. Veul koraal, paar sjoeane vesse, zeesterren en eine maonves. En natuurlijk Geweun heerlijk gedaoke miene daag is gans good.

S'aoves in het hostel get relaxe en we lieere een houp miense kinne. Daags derop zitte we get gitaar te spelen in het hostel as een paar locals os vraoge of we metgaon nao boete. Dao installeren we os met z'n alle op een trepke der waertj get beer aopgetrokken en der kome nog een paar gitaren teveursjieen. En de rest van de middig zitte we dao met z'n alle muziek te make en te geniete van het oetzicht. S'aoves met z'n alle op stap en den ist veur os weer tied om os grei te pakke en weer truuk nao Santiago. Hiej zitte we weer een paar daag en den laote we Chili alweer achter os en is het tied veur Argentinië.

Os ervaringen van Argentinië beginne in Mendoza en t ieerste wat os opvultj: hiej is het bloodheit. .. wacht mer zegke de locals det waertj nog Waal erger. Gelukkig hubbe we een hostel met een zwumbad en dao waertj den auch gaer gebroek van gemaaktj. We lieere geliek een deil miense kinne en het is al snel erg gezellig. S'aoves Besloete de Argentijnen te gaon barbecuen en wae kieke os uig oet. Die miense weite wat vleis is, een alik half verke derop en aan m. Wae kriege auch een  stuk en Besloete ter plekke det wae daags derop auch gaon barbecuen, wat is dit lekker! Daags derop get door de stad wanjele int zwumbad ligge en veural lachen met os noewe vrunj. S'aoves met z'n alle de stad in en dan nao bed. Om half 9 waere we in Het hostel opgehaoldj veur ene wine en bike tour. Mendoza is ein van waerelds beste wien gebieden en det kinne we natuurlijk neet zommer geluive. Os tour geit op het fietske naeve een drietal wiengaarden woea we een rondleiding kriege en natuurlijk een aantal preufsessies. Het is een prachtig gebied hiej en met de berg oppe achtergrond door de wiengaarden fietse is den auch een prachtige ervaring. S'aoves truuk in het hostel de barbecue aan en weer een diek stuk vleis derop. Smurges is het wederom vreug daag dit kieer waere we opgehaoldj om te gaon zipline. Oftewel via een deil groeat oetgevalle kabelbanen tusse de berg door vlege. Dees activiteit vluugtj veurbiej en veur we t weite ligge we weer in het zwumbad.
S'aoves is het tied om door te reize Aangezeen de tied begintj te dringe. We neeme aafsjeid van os noewe vrunj en op nao Cordoba de volgende stop.

 Althans det waas de planning. As we op het busstation staon te wachte waertj in een  moment van onachtzaamheid mats zien tas weggehaold met alles der in, paspoort, tablet,camera geld..... Shit! !! En noe? Truuk nao het hostel dao proberen ze nog de taxi te traceren wat os gebracht haaj (mesjien liktj der dao nog in) helaas, pliesie derbiej, met nao het bureau, aangifte doon, ongertussen is het ein oor Snachts en de eigenieer van het hostel haet os ein gratis nacht aangebaoje in zien anger hostel omdet dit vol zitj. Nou bedtijd en murge zeen we Waal wiejer. Daags derop alles zover afgehandeld truuk nao t anger hostel den nog mer ene daag int zwumbad ligge met ozze friends. Murge weer een poging om richting cordoba te kome.

Dit kieer kome we zonger problemen aan in Cordoba.. We haaje den auch Waal ein tas minder om kwiet te waere. Cordoba zelf vultj taege, vettig, gein sfeer, gein oetstraoling Agja waem weit. In het hostel waertj os de waeg gewezen nao een zwumplek aan een  meer. Mer om hiej te kome vultj toch vies taege de busse gaon neet of pas hieel laat allemaol lestig. Nou ja den Gaon we murgevreug mer optied. Den hubbe we auch tied zat. Smurges waere we wakker... raegeln werr pech.Vanoet t hostel kome ze os vraoge of we Smiddes met gaon paintballe? Absoluut klinktj good laot gaon. Drie kieer raoje auch dit waertj last minute aafgezag omdet ze inins man tekort hubbe. Gvd cordoba is neet os stad. S'aoves toch mer get gaon doon en we besloete same met ene Argentijn Dae auch int hostel zitj te gaon karte. We pakke ene taxi nao de kartbaan en gluif het ofneet we kome aan en de lommel is geslaote. T zal toch neet. Nou ja den mer stukske truuk oppe straot bowlen en poolen we motte get. Hiej bringe we een paar oor Door en den truuk nao t hostel en slaope gauw weg hiej. Murgevreug gaon we Door nao Rosario woea we gaon meeten met ein van os kamereuj oet mendoza en den Buenos Aires woea we gaon meeten met de twee Australische maedjes van noewjaor. En mats zien noodpaspoort op motte haole. Mer det is veur Next time.

Saludos en wederom bedanktj veur de intresse in os verhaole.

Ciaociao lucas