väöl zon, water, reizen en väöl te weinig tied

De veurige kieer eindigde os verhaol ongerwaeges nao Rosario. Dao aangekome snel een hostel gezocht en ozze vriend oet mendoza laote weite det we dao waare. Hae zaat lichtelijk in geldnood mer wae beslaote det wae wal get pilskes veur m koste betalen. Dus s'aoves de stad in en get drinke. Daags derop haet der os metgenaome op een tripje door de stad. Nao de rivier met een sjoean oetzicht euver het stadscentrum. Dao nog get gedronken en toen weer truuk nao het hostel. Daags derop zeen we Onger os twieeë nog get door de stad gaon patere en zeen we ongerangere biej het vlaggemonument gewaes woea de Argentijnse vlag veur t eerste is gepresenteerd. Rosario is opzich wal een sjoean stad mer der en is neet hieel veul loos en dus is het weer tied om wiejer te gaon.

Op zaoterdig kome we aan in Buenos Aires en we hubbe os een groeat "fieest" hostel oet gezocht veur t weekend. Althans det dachten we... het hostel waas Waal groeat mer det waas Den auch alles. Niks mocht, totaal gein sfeer, bietje vergane glorie. Gelukkig hubbe we mer ein nacht geboektj hiej. S'aoves hubbe we aafgespraoke det we met os Australische vriendinnen get gaon aete en drinke. Mer ieerst geit mats nog Ff voetballen. Hae haaj een organisatie gevonje die kleine wedstrijdjes organiseert en wooj toch gaer nog ens ballen. Nao t voetballen een paar fleskes wien gescoord en op nao de dames. Dao get gedronken, bie gekald,  en veul gelachen. Met z'n alle get gaon aete en daonao Besloete wae det we nog nao een feestje gaon. We kome terecht in een groeate club die veur t merendeil inne aope locht is en het is hiej fieest zek. Laat in de aovendj(laes: vreug in de murge) truuk nao t hostel en wie een blok omvalle.

Sunjes Besloete we om een anger hostel te gaon zeuke dit is echt niks. We gaon nao een anger stadsdeil woea os vriendinne auch verblieve. hiej is op eedere straot hook wal get loos en de sfeer is veul relaxter.  Nao ene hieele tied rondj loupe vinje we het perfecte hostel en boeken dit veur de rest vanne waek. S'maondigs eerst nao de ambassade mats zien noewe paspoort regelen en den nao os noewe hostel. Hiej waertj t algauw gezellig met mede reizigers en ze adviseren os s'aoves nao het Bombardietiempo te gaon. Een groeat fieest met een drie doezendj man. Tusse een deil gebouwen in steit een podium woea een samba echtig drumband de ganse aovendj fieest meuktj. T is erg gezellig en we lieere weer ene houp volk kennen. As t is afgelopen geit de band de straot op en eederein derachter aan richting een club woea t fieestje Geweun wiejer geit. Wat een feest en det doon ze hiej Geweun eedere maondig.

Veur de rest vanne waek hubbe we neet hieel veul mieer gedaon. Get inne stad gehangen en veural veul int hostel t is hiej auch echt duk te heit om überhaupt get te Onger neme.  Op vriedigmurge kumptj os verlossend telefoontje, mats zien paspoort is klaor we kinne wiejer reize. En det doon we den auch dezelfde aovendj nog, Next stop Iguazu.

Iguazu is het Vaals van Argentinië het liktj precies op het drielandepuntj van Argentinië, Paraguay en Brazilië. Mer det is neet waorom wae hiej zeen. Iguazu zelf is een mega klein durpke inne middel of nowhere mer toch is het ein van de bekendste plekke van Argentinië het sjientj namelik det ze hiej get van watervallen hubbe. We laote os in het hostel adviseren wat de beste opties zeen om dao haen te gaon kieke en Besloete det we Smurges om half 8 oppe bus wulle stappen richting het nationaal park. As we s'aoves echter get zitte te jengele op os gitaren en weer een paar noewe vrunj make. Waertj os verteld det we gaar neet zoea vreug hoove te gaon en det as we om 9oor vertrekken we tied zat hubbe. Det vinje wae gaar neet erg om te heure en gaon gauw nog een paar flessen beer haole.

Smurges om 8 oor op, ff ontbijten en same met ene Amerikaan en ene Braziliaan inne taxi nao het park. Dao aangekome pakke we het treintje en Besloete geliek nao de wiedste en de groeatste van alle watervallen te gaon The Devils Thraot. We loupe ene kilomaeter euver een 'n bruk euver 'n meer Toetdet het meer inins eindigt in een groeat gapendj gaat.Wat een geweld! Het water dondert met zo'n kracht omlieeg ongeluifelijk. En wat een pracht om te zeen. Hiej nao volgtj een tocht baove euver een deil "kleine" watervallen de eine nog sjoeaner as de angere. En ich hub algauw beslaote det ze hiej ofwaal een deil mega groeate pompen motte hubbe of een deil hieel erg gooje pôtte wulle ze eedere daag zoea veul water omlieeg jage. Ozze trip eindigt onger naeve de watervallen en den in ene boeat dae os  toet zoget in de watervallen veurtj. Zeiknaat mer een hieel ervaring rieker verlaote we t park en gaon truuk nao Iguazu. Dit haaje we en absoluut neet wulle missen.

Den is het alweer tied om wiejer te gaon het is bienao vastelaovendj en we hubbe nog een hieel eind te euverbrugge. Vanoet iguazu gaon we met een klein buske de grens met Brazilië euver. Dit is echt de meist nutteloze grenseuvergang oeats. Blies zelf int buske zitte terwijl de chauffeur dien paspoort geit laote stempele en thats it, welkom in Brazilië! Van hiej oet met de bus nao Sao Paulo. En auch al hubbe we een nachtbus toch is al vrie gauw duudelik wie sjoean Brazilië is, de landjsjappe die veurbiej sjeeze zeen onbesjriefelijk en ch wooj noe al
 Det we hiej get mieer tied koste doorbringe.

Aangekome in Sao Paulo get drinke in het hostel en den optied nao bed toch weinig geslaope inne bus en smurges wulle we weer optied op. We gaon een dagje nao Santos. Ongevieer een eurke van Sao Paulo mette bus. Hiej hubbe we en de ganse daag aan het strandj gelaege en s'aoves nao een voetbal wedstrijd: Santos fc taege sao paulo fc. De wedstrijd waas neet hieel spectaculair en eindigde in een. 0-0 mer toch sjoean om te zeen wie de miense hiej dao in opgaan met z'n alle. Nao de wedstrijd nog een paar biertjes en nao bed.

op dit moment zitte we inne bus truuk nao Sao Paulo woea we vandaag en murge nog verblieve. Zaoterdig gaon we nao Rio de Janeiro veur get van het Braziliaanse carnaval te ontdekke. En Den begintj os letste waek in Zuid Amerika alweer. Ich begin stiekem Waal te twiefele of het een gooje beslissing waas neet in os Naer te zeen met vastelaovendj Mergood dit mosse auch ens gezeen hubbe zullen we mer zegke.

Eederein eine hieele sjoeane vastelaovendj gewinsj amuseer uch en Doot niks waat ich auch neet zooj doon!!!

Alaaf en toet nao de vastelaovendj,

Jeugdvorst XXXXIV